മാമ്പഴ ലഡു ;
ചേരുവകള്‍
ഒട്ടും പുളിയില്ലാത്ത നല്ലവണ്ണം പഴുത്ത മാമ്പഴം - അര കിലോ
നാളികേരം ചിരകിയത് - ഒരു നാളികേരത്തിന്‍റെ
പഞ്ചസാര പൊടിച്ചത് - 8 ടേബിള്‍സ്പൂണ്‍
കണ്ടന്‍സ്ഡ് മില്‍ക്ക് അല്ലെങ്കില്‍ നല്ലവണ്ണം കുറുക്കിയ പാല്‍ - 5 ടേബിള്‍സ്പൂണ്‍
ഏലക്കായ പൊടിച്ചത് - അര ടീസ്പൂണ്‍
നെയ്യ് - ഒരു ടീസ്പൂണ്‍
അണ്ടിപ്പരിപ്പ്, മുന്തിരി
തയ്യാറാക്കുന്ന വിധം
- മാമ്പഴം നല്ലവണ്ണം അരച്ചു വയ്കുക.
- ഒരു നോണ്‍സ്റ്റിക് പാത്രം ചൂടാകുമ്പോള്‍ നാളികേരം ഇട്ട് പച്ചമണം മാറും വരെയും നിറം മാറാതേയും വഴറ്റുക.
- ചൂടാറിയ ശേഷം മിക്‌സിയില്‍ ചെറുതായൊന്ന് പൊടിച്ചെടുക്കുക.
- ഇതും മാമ്പഴ കുഴമ്പും ഒരു പാനിലേക്ക് മാറ്റി നന്നായി ഇളക്കിക്കൊണ്ടിരിക്കുക.
- പാനിന്റെ വശങ്ങളില്‍ നിന്നും വിട്ടുപോന്ന് തുടങ്ങുമ്പോള്‍ പഞ്ചസാര പൊടിച്ചത്, കുറുകി കട്ടിയായ പാല്‍, ഏലയ്ക്കാപൊടി ഇവ ചേര്‍ത്ത് ഇളക്കിക്കൊണ്ടിരിക്കുക.
- മാമ്പഴത്തിന്റെ മധുരത്തിനനുസരിച്ച് പഞ്ചസാരയുടെ അളവില്‍ മാറ്റം വരുത്താം.
- ഇവ നല്ല കട്ടിയായി വരുമ്പോള്‍ വാങ്ങിവയ്ക്കുക.
- ചൂടാറുന്നതിനനുസരിച്ച് കൈയില്‍ നെയ്യു പുരട്ടി കുറേശ്ശെ എടുത്ത് ഉരുളകളാക്കുക.
- അതില്‍ അണ്ടിപ്പരിപ്പ്, മുന്തിരി എന്നിവ വച്ച് അലങ്കരിക്കാം.
0 Comments